諧音～＊

話說有次在吉之島擺床品promotion
咁隔離檔有個新黎既promoter
佢仲係岩岩大陸落黎，講野都仲係好重大陸口音
佢第一日企就捧蛋啦，一張單都開唔到，第二日黎料喇
佢咁岩遇著一個我地全部都知道出名好麻煩既客，連我地呢ｄ都怕鬼左佢，
寧願做少佢一單生意總好過自己份工都無埋，
因為佢實在好鐘意向經理投訴
我地在吉之島如果一遇投訴就以後都唔使企，所以無一個敢得罪呢個客
大陸婆就唔知，以為呢個係大客，點都開張單先，
就好聲好氣同佢講：睇下我地xxx既絲光棉床品丫
佢有幾多幾多針，唔起毛粒........好多客氣說話
但個客彩都唔彩佢，剩係狂咁拆人地個ｄ包裝好既床套床笠攤出黎睇
大陸婆就同佢講：我地有板啊，個ｄ唔拆得黎睇架．．．
之後個客都係咁拆ｄ新既，我地全部都見狀，但都唔敢行過去叫，
因為有原則就係佢sale緊客時我地唔可以過去call客
大陸婆以為有個大客買野就想鬧佢都唔得，由得佢～～
點知個客拆完又唔買，仲好似想走過隔離檔睇
咁可能個大陸婆第一次做服務性行業，所以脾氣唔係咁識控制
佢就一句隨口爆：臭high！
個客聽到就發晒癲要搵經理，仲要係最高級個個
我地心諗．．．呢個?j陸婆真唔好彩
個客就走過黎連同經理講指住大陸婆話佢鬧自己臭high!
個經理就問大陸婆係咪講粗口鬧客
個大陸婆既答案都令我地嘩聲四起，我地都簡直估佢唔到啊
佢同個經理講：我唔係叫佢臭high，我係叫佢唔好拆high（拆開）啊～
個時連個經理同個客都吹佢唔脹
佢轉數真係快到你唔信～～詣音都俾佢諗到～～