N樣中學男校學生會做嘅事(睇完唔好打我！)
100樣大部分中學男校學生會做嘅事!
(曾經)讀男校嘅你做過幾多?睇你有幾曳曳有幾白痴有幾無聊定有幾慘...(有漏請提出)
01)返到學校擺書包隨便擺搞到d書包堆到成座山咁(for冇得擺班房嘅學校only)
02)返到學校一入班房擺完書包就去某同學個櫃桶搵漫畫雜誌鹹書等黎睇
03)早會嗰陣係咁搞排自己前面個同學個籮
04)早會嗰陣不斷畀排自己後面個同學搞自己個籮
05)排隊上課室途中成日都打尖
06)排隊上課室途中成日都打尖但係又成日畀風紀捉咗出去狂插
07)幫全班每個同學都改花名
08)連自己都畀人改埋花名...
09)幫老師改花名
10)畀老師改返你花名...
11)上堂成日講波經/馬經/性經,etc
12)上堂成日睇書(game書漫畫雜誌馬經財經波經鹹書,etc 教科書除外)
13)上堂成日傾計
14)上堂玩千里傳音
15)上堂用紙飛機/一嚿紙黎通訊
16)上堂聽歌
17)上堂食嘢
18)上堂同附近同學『打成一片』
19)上堂成日玩老師
20)上堂成日畀老師玩...
21)落堂趁大部分人同老師講緊goodbye細細聲爆粗鬧個老師
22)老師一出門口就大大聲爆粗鬧佢
23)轉堂成日走出位同人吹水
24)轉堂成日走出位同人打交
25)轉堂成日畀盡責嘅班長記名
26)轉堂成日同班長玩埋一分
27)轉堂突然諗起唔記得帶下堂嘅書走去隔離班借
28)轉堂成日擅自去廁所(唔通由佢賴咩...)
29)轉堂成日『躂』人嘢周圍掟
30)轉堂成日走黎走去搶返畀人掟緊嘅嘢...
31)一放小息就飛奔去小食部開餐
32)見到熟人去小食部買零食就拉隊去『老笠』
33)次次買完零食都食唔夠5啖
34)口渴想汽水機『禁』嘢飲但好多人排隊就會幫前面d人亂『禁』
35)見到籃球隊有人籃底穿針會笑到碌地
36)你就係籃底穿針嗰個人...
37)笑人地籃底穿針但自己射波連籃框都high唔到
38)踢波/毽成日『霰』人塊面/袋袋
39)踢波/毽成日畀人『霰』
40)去廁所同人鬥射得遠
41)去廁所成日話人『腎虧牙你痾咁耐?』
42)靜靜雞喺廁所煲煙
43)成日隔住鐵絲網望對面女校d女仔(for高地男校對面低地有間女校only)
44)喺班房成日同隔離女校d女仔玩千里傳音(for課室窗口對正隔離女校課室only)
45)成日喺學校打電話同女朋友耍花槍
46)打親交都瞄準對手下面攻擊
47)打親交都畀人打中下面...
48)吹親水鬧親交都爆粗
49)成日爆粗都畀老師捉到正...
50)睇到第50樣點都要睇晒佢
51)窮到連食晏都要借人錢...
52)食晏去M記實『躂』人薯條
53)去親M記都會玩汽水茄醬,etc
54)次次M都畀人『躂』晒d薯條...
55)去大家樂/美心/大快活,etc見到勁多人排隊會爆粗『咁X多人架!』
56)食燒味飯成日同飯友交換燒味
57)日日食lunch都係『10蚊雞好好味5蚊雞正到痺』
58)次次PE堂跑步都同人鬥快
59)鬥親快都輸...
60)每次學校有講座都瞓著咗
61)年年學校旅行燒完嘢食都用支叉『吉』草叢中嘅『蛤拐』
62)年年歌唱比賽都會不斷叫囂又狼叫又鬼叫
63)年年christmas party都解禁係咁爆粗(for平日少爆粗嘅好同學only)
64)解唔解禁都成日爆粗
65)成日放學都叫女朋友去學校門口等你曬命(for女朋友比你早放學or雙失女友only)
66)一放學就即刻去搵女
67)一放學就即刻返屋企打機
68)放咗學仲留喺學校攪屎棍(課外活動除外)
69)日日放學都畀老師留低喺學校插...
70)成日唔記得做功課
71)返學校先抄功課
72)我好乖架!我寧願唔交都唔會抄功課!!
73)唔駛交嘅功課走去隔離班借本做咗嘅黎過『橋』
74)我愛學校生活!因為日日都可以玩人
75)我愛學校生活!因為日日都可以畀人玩(for被虐狂only)
76)我恨學校生活!因為我唔想再畀人玩...(真陰公...)
77)學校黎咗個又後生又靚嘅miss,會偷偷影相搞地下拍賣
78)偷望(77)個miss嘅裙底春光(for變態only)
79)成日搞gag
80)終於80啦...你睇得攰時我都諗得好辛苦,但你一d都冇體諒我仲想鬧鬼我『呀』位
81)每年做project都推畀某君做晒
82)每年做project都做到死死吓
83)我唔係d咁嘅人!不過我只會做資料搜集之嘛!都叫有做嘢喎!
84)曾經整喊過一個miss(冇厘紳士風度架...)
85)曾經整喊過一個阿sir(我要寫個服字畀你同個阿sir...)
86)成日參加聯校課外活動識女仔
87)我女朋友就係用(86)個方法識返黎...
88)為咗睇世界杯而請假
89)2年後又為咗睇奧運而請假
90)見到籃球架下面堆咗幾塊厚軟墊就爬上去扮入樽
91)扮完入樽之後仲有幾條傻仔跟住做...
92)每朝臨打鐘先衝返學校
93)寧願遲到都唔想跑
94)學校搞暑期活動都唔出席
95)星期六日偷偷返學校打波(for防盜設施不足嘅學校only)
96)趁謝師宴最後1次玩殘d老師(我都試過= =")
97)日日返屋企係咁話老師乜乜物物
98)年年家長日阿媽都同班主任話你乜乜物物...
99)你條XX做乜咁快飛黎最底睇啊!!!(for冇睇晒1-98嘅人only)
100)你真係好有心機居然睇晒咁多,將呢種心機擺喺讀書上仲好啦!(for學生only)
LAST)已經唔係學生嘅你,如果讀書嗰陣有咁好心機我肯定你前途無可限量!
