恐怖油錐............
同一個釣魚發燒友食飯傾開, 聽到樣野, 係關於釣到"油錐"既事...
話說釣魚如果釣到"油錐", (一種長型似鱔類既魚, 不過咀較長同尖.) 就要離開唔好繼
續釣, 因為果度一定死左人. 同埋, 唔可以釣三條, 最多兩條一定要走.話說好耐之前
有次佢租左艇出海釣魚, 先釣到一條"油椎", 個艇家望一望神情已經有異, 之後跟
手好快又再釣一條, 個艇家即時話,保證佢一落絲即刻可以釣多條,果然,話口未完又中,
但個艇家二話不說就手起刀落斬斷條絲放走條魚,跟手開艇走人.走既時候講返原因,話
如果唔斬斷條絲放走條"油錐",水鬼(或者話浸死呢度個人既魂魄就會跟埋上黎.云云
.......
佢仲講左另一個釣友間流傳好出名既故仔,話說就係有個人釣左兩條油錐上黎, 放入桶
養住, 見到桶水有頭髮絲, 不以為意, 再繼續釣, 結果釣左三條油錐 (其他魚唔知幾多
啦), 之後走人返屋企, 當晚已經急病好唔舒服入急症, 三日後就去左. 果時佢屋\r
企人先得閒返屋企睇佢d野, 發覺佢裝住魚穫個桶冇晒魚,得桶水同埋一堆頭髮
...........呢位朋友話好多時, 釣到油錐上黎, 放入桶到養住時,都會發現頭髮絲佢自\r
己都研究過, 係有少少科學根據既,因為油錐呢種魚係食腐肉死屍做食糧, 所以如果連
續釣到兩條油錐或以上, 即係果處下面有死屍哪......

幾好~~~~~~~~~~~~

有無咁神奇呀~~~

我都好鍾意食油雞ｇａ喎。

good !!!!post more