Board logo

標題: [討論]評下點解關心妍硬係紅唔倒上去 [打印本頁]
作者: Cindy    時間: 2005-4-8 22:32     標題: [討論]評下點解關心妍硬係紅唔倒上去

如果話關心妍係其中一個最唱得既新一代女歌手, 相信唔會有太大異議. 加上佢樣貌身材都唔差, 照計應該會紅. 但事實反映出黎, 佢三年黎都係浮浮沉沉, 雖然唔會消失, 但總係上唔倒最高位.佢紅唔晒, 有唔少因素造成.



1.悲歌濫觴

好多人認識關心妍, 都係由"你有心"開始, 甚至可能再早, "負擔不起"已經認識佢. 呢兩隻令佢紅起既歌, 亦係佢宜家停滯不前既原因. 呢兩隻歌, 令人知道關心妍有唱功, 但亦都令唔少人以為關心妍係嗌歌一族. 其後既"我太強", "放生", "假使我漂亮", 更加令大眾認為關心妍嗌歌. 事實上, 關心妍既唱功並非如此. 筆者曾經係電台聽過佢即席清唱"曖昧", 並冇任何嗌歌, 仲好好聽. 關心妍既派台歌, 將佢打造成悲情歌一族. 其實"優先訂座"呢隻歌, 可以幫佢洗脫嗌歌既惡名. 但係人算不如天算, 呢隻歌四台上晒第一都冇用, 撞到正sars疫症, 冇人會留意有乜歌聽. 其後年尾頒獎禮, "你有心", "優先訂座", "我太強", "放生"全部入晒圍, 結果搞到分薄晒?瓛? 自己打自己, 一隻金曲獎都冇. 今年精選碟, "髮調橙"玩食字, 歌詞唔掂, 跳舞唔掂, 結果轉型失敗. "有生之年"冇派上台, 亦無法幫手洗底.


2.負面新聞多

自從"你有心"紅起之後, 負面新聞亦隨之而來. 蕭正楠緋聞, 洗頭鬧人事件, 03年唱片滯銷, 04演唱會冇人聽, TVB封殺, 寫真集出版無期, 以致近期網上流傳既太古廣場炒魷事件, 無論是真是假, 都對佢既名聲構成損害, 令人覺得關心妍有歌冇品.(其後IFPI頒獎銷量入五大, 粉碎03年唱片滯銷傳聞, 04演唱會後亦有唔少報紙報導入場率高, 寫真集出左之後亦大賣, 兩日斷市. 其他傳聞, 冇任何數據或證據供進一步探討, 不知真假, 不過近期炒魷事件似高登人吹水多)需知道歌手做一百件事, 九十九件都唔關唱歌事. 型像非常重要, 直接影響觀眾緣. 關心妍型像不斷遭破壞, 自然下瀉.


3.公司實力不足, 淺水浸蛟龍.

相比起EEG同金牌娛樂, 關心妍效力既BMA, 係財力, 宣傳, 同關係方面, 實在難以匹敵. 其實之前關心妍約滿, 可以轉公司(當時食住"你有心"個勢, 唔少公司都對佢有興趣), 以圖更大發展. 結果佢最後都留左係BMA, 可能係飲水思源, 亦可能係雞口牛後, 原因係乜? 冇人知, 亦唔重要, 因為04年既下沉, 似乎表示佢選擇錯左.


4.冇一首令佢更上一層樓既hit歌.

一首hit歌需要係乜? 唔只係好歌手. 更重要既係好曲好詞. "奇洛理維斯回信", "小城大事"都係今年hit歌, 但係fiona同楊千嬅既唱功, 係咪特別好呢? fiona唱live走音, 楊千嬅live亦唔穩定. 但依然紅. 公司強大係遠因, 公司強大, 令旗下歌手有好歌唱, 係近因. 歌hit唔hit, 副歌部份好重要. "負擔不起", 大家會記得"at the end of the day~", "你有心", 會記得"原來你有心, 但是我想問~", "放生", 會記得"是我太過愛你, 願意放生你~". 所以要首歌hit, 副歌一定要好, 夠搶耳, 夠感人. 04年精選碟"無痛失戀", 曲冇問題, 歌者亦放棄左激動叫囂式唱法, 詞方面, 前段亦營造出生日party既環境同氣氛, 但可惜被副歌一句"來合唱聲勢像唱k"九唔搭八既歌詞所累. 結果各台三甲不入. 可見副歌既重要性. 05年新碟, "終點"算係最好既一首. 曲詞均佳, 歌者唱功亦漸成熟. 前半以柔和方式演繹, 去到副歌高音位~"改變", "擱淺"亦放輕聲線, 悲傷中帶溫柔. 後半加強情感, 令後半係悲方面加重, 觸動人心. 最後結尾"誓言"放輕. 總結全曲, 關心妍似乎已經開始明白剛柔並重既道理. 可惜呢首係國語歌, 香港市場未必受落, 而且呢首歌派唔派台都未知.



*如果冇辦法解決以上幾個問題既話, 恐怕關心妍既事業, 難以有大突破.
作者: ◤期待◆═≡☆    時間: 2005-4-8 22:35

佢其實唱歌幾好聽嫁...
作者: Cindy    時間: 2005-4-8 22:45

係架..但係上面講得好岩~佢好命苦呀!!
but i still love jade very much!!
作者: 魚    時間: 2005-6-20 17:13

引用:
Originally posted by Cindy at 2005-4-8 10:45 PM:
係架..但係上面講得好岩~佢好命苦呀!!
but i still love jade very much!!
但係可能佢人緣唔好．．．ｓｏ．．．
作者: Cindy    時間: 2005-6-29 19:29

可能啦...但係佢唱歌都幾好呀
作者: Ｅｄｏ＆大佐＊    時間: 2005-7-21 12:51

佢唱歌ｄｏ　ｏｋ　ｇａ！！！
甘佢ｄｏ好慘姐．．．
明明可以ｈｉｔ得到又衰左．．．
好可憐～



歡迎光臨 SPY NET (https://spynet.fun/) Powered by Discuz! 6.1.0