標題: 原笑與之妹、船女和瑤瑤之「呢間屋有...」 [打印本頁]

---

作者: ＊°雲尼斯杜萊    時間: 2005-7-25 09:24     標題: 原笑與之妹、船女和瑤瑤之「呢間屋有...」

原笑一接電話，就聽到：「笑兄！我係之妹呀！我唔放心您地，我而家搭船黎緊呀！就到碼頭喇！」

原笑：「喂！之妹！咁您黎左，屋企果度點呀？」

之妹：「唏！思羽仔咁大個，大學生黎架喎，唔通照顧下D細妹都唔識咩？放心啦！喂，係喇，我架船到碼頭喇，您即刻黎同我會合啦！」

原笑同兩個女，唯有即刻趕去碼頭啦。

佢地去到碼頭，見到人山人海，瑤瑤就問：「豆豆，咁多人，我地點搵姑姐呀？」

原笑：「唏！我一眼就搵到啦！拿！果邊果個靚女，拎住桶"齋牙屎雪榚"，搏命咁"畢"黎食，咪就係您地之姑姑囉！」

(死人原笑，做乜係咁"SIDE"個妹je？)

船船：「嘻！之姑姑食極都咁靚，無所謂啦！」

原笑埋去之妹度，一手拖住佢就行，一路行一路細說情況，跟住四個人去到超市，買齊D野，一齊返番間渡假屋度。

大家打掃一輪同埋執拾好之後，跟住就坐低抖下。

原笑：「船船，您又話斟左杯汽水俾我飲既？無既？」

船船：「下？我明明斟左架喎，點解無哂既？」

瑤瑤：「得個杯空既！唏！係咪豆豆您自己飲哂唔記呀？」

之妹：「笑兄，您咁大懵架，係咪想做特首呀？」

原笑：「車！您估我老人痴呆咩？我明明無飲過，船船，您係咪唔記得斟呀？您放隻空杯係檯度做乜喎？」

船船：「唔係呀，我明明係雪櫃度拿左枝汽水出黎斟架喎？」

瑤瑤：「等我去雪櫃度睇下！」

瑤瑤走入廚房，正當佢打開個雪櫃既時候...

嘩！有D野碌左出黎喎！

嚇到瑤瑤大聲叫左出黎！呀~~~~~~

哦！原來係個蘋果！

原笑地衝入黎，齊聲問：「乜事呀？」

瑤瑤：「無野，無野！係個蘋果je！」

原笑：「唉，俾您嚇死呀！」

船船：「咦，瑤瑤，您好渴咩，做乜飲哂枝一公升汽水呀？」

瑤瑤：「下？！我岩岩至打開個雪櫃咋喎，都無飲過！」

船船：「咦？我頭先斟果陣，仲有成大半枝架喎！」

原笑：「咁奇？唏，唔好講咁多喇，船船，去批左呢個蘋果俾我食罷啦！」

於是船船就批左個蘋果，切開四舊，放係碟上面，拿出去俾原笑食。

之妹見到個雪櫃咁多野食，忍唔住就去掃蕩裡面既食物喇。

原笑軍馱@舊，伸手去個碟上面，想話拿多一舊，點知，摸下個碟，空空如也！

原笑：「船女、瑤瑤，您地食得咁快架！」

船船、瑤瑤：「豆豆，我地一舊都無食過喎！」

原笑：「下？無理由架喎...」

就係呢個時候，個電話突然響起黎！

之妹立即係廚房走出黎，但係，無人敢去接喎。

佢地係度諗：邊個知呢個電話號碼呢？邊個會打電話黎呢？

跟住，個電視忽然之間著左喎！

嘩！會唔會有野係電視度爬出黎架？

原笑父女同之妹四個人，您眼望我眼，嚇到目定口呆。

就係呢個時候，房入面突然發出一聲巨響！

---

歡迎光臨 SPY NET (https://spynet.fun/)

Powered by Discuz! 6.1.0