標題:
原笑與之妹、船女和瑤瑤之「屈原笑」
[打印本頁]
作者:
＊°雲尼斯杜萊
時間:
2005-7-25 09:25
標題:
原笑與之妹、船女和瑤瑤之「屈原笑」
原笑：「哼！"裝"我最重要既部位？咁大膽？果度無乜人睇過架馬！唔好閹佢，就挖左佢雙眼出黎算罷啦！」
老細：「喂！您果度我睇完要洗眼添喎！我驚會生眼挑針呀！」
瑤瑤：「仲咁串咀喎，大刑侍候！」
船船：「我去廚房拿菜刀！」
之妹：「我行開一陣，我唔想睇D血腥場面呀！」
原笑：「可惜無狗頭鍘！」
([十八禁]個狗字讀高D音至岩喎！)
(路人仔、安安、佳佳、...通通唔准睇！FORM ONE仔太細了！)
(乜野喎？要加番D成人內容至得架，要照顧D成人讀者架馬！)
老細：「喂！喂！喂！咪濫用私刑喎！我最多今晚唔收您地租錢囉！」
原笑：「下？咁...唔得既！梗係...仲要包埋聽日早、午、晚三餐啦！」
瑤瑤：「嘩！豆豆變左"屈原笑"！」
船船：「哈哈，屈完人就梗係要笑啦！」
之妹：「哈哈，屈原都死左咁耐囉，仲識笑？」
原笑地四人係度猛笑，個老細俾佢地玩到謝哂，無哂表情！
原笑：「喂！係喇，您仲唔"扯"，仲想點呀？」
(二百六十三)原笑與之妹、船女和瑤瑤之「死無全屍」(17-11-03)
瑤瑤：「咁耐仲唔"扯"，您想食宵夜？」
船船：「其實佢係傻，想食大菠蘿！」
之妹：「睇見您咁慘，好似舊蛋散！」
老細：「嘩！乜您地個個出口成詩既？您地係"鮮奶全家"黎架？」
船船：「乜野"鮮奶全家"呀？」
老細：「我漏口之馬，係"詩禮傳家"至岩。」
瑤瑤：「仲咁串？豆豆，SHOW D QUALI俾佢睇下je！」
原笑：「好！喂，老細，您把口咁賤，畫花您塊面！」
老細：「喂！好LU喎，窒夠未呀？」
原笑：「您唔好發火，因住生芒果！」
老細：「我怕左您地喇，唔作詩得唔得？」
船船：「唔得！我地仲有好多詩都仲未作架...七言律詩、五言絕詩...」
瑤瑤：「大公無私、兒瓜傢俬、毛里求斯、鹹濕西施...」
原笑：「紅鬚軍師、罰傻輪屍、ICAC、死無全屍、...」
老細：「殊！咪講"死無全屍"呀！好邪架！」
就係呢個時候，大家都聽到微弱既哭泣聲！
原笑地當堂嚇到腳都軟埋！
瑤瑤口震震咁問：「...呢...D咁...恐怖既...哭泣聲，係咪...」
船船：「係咪...鬼...夜哭？」
之妹：「嗚...好驚呀！」
原笑：「老...細！咁...您今晚...唔好"扯"，留係度...陪...我地啦！」
老細：「嘻嘻！您地而家知道我既重要性LU咩？仲閹唔閹我呀？仲叫唔叫我"扯"呀？」
原笑：「您...您咪...咁得"戚"...聽日一早我地就...搬！俾您...威住...一晚...咁多啦！」
老細：「哈...哈！您地過到今晚至算啦！」
作者:
lok3631
時間:
2005-7-25 12:30
無野好講=.=
歡迎光臨 SPY NET (https://spynet.fun/)
Powered by Discuz! 6.1.0
