SPY NET - Powered by Discuz! Board

標題: [轉貼] 一篇好有文化嘅打油詩：「香港打工仔」 [打印本頁]

作者: 天夢之皇 時間: 2007-3-14 19:49 標題: 一篇好有文化嘅打油詩：「香港打工仔」

全詩一韻到底, 富有地方色彩, 秉承現實主義精神,
笑中有淚, 深刻反映香港社會實況 :

看更原來識雞腸,　掃地都要寫文章;　學士碩士唔馨香,　因為博士都在場;
人工一定唔理想,　七仟左右已中上;　十二個月無雙糧,　兩年合約要裝香;
半年之內有工返,　已經算係好收場;　開工應該喜洋洋,　點知世態更炎涼;
管理之名樣樣理,　萬人之下一人上;　資源增值好榜樣,　以為發揮你所長;
光管燒左等你換,　影印食紙你當殃;　電話唔通都關事,　水廁唔通你清場;
電腦壞左要識整,　發現病毒要早響;　食飯最多半個鐘,　大小二便難舒暢;
中港兩地四圍走,　遲早去阿塞拜疆;　仲要出街收爛賬,　朝早做到午夜場;
公司人事要攪好,　唔係就李代桃僵;　對付下屬要讚賞,　對住上司要讚揚;
對待同事要禮讓,　對住老板扮羔羊;　老細個仔問功課,　資料搜集你擅長;
芝麻小事難逃避,　唔識都要頂硬上;　上司老板夠無良,　病都要做鬼體諒;
同事犯錯有你份,　仲要鬧你正粉腸;　開會猶如打靶場,　比人插到啪啪響;
翻開肚皮睇全相,　鬧完仲要拍手掌;　工餘進修係妄想,　回家食飯無相量;
想話請假來休養,　老細面似屎一樣;　晚晚加班做七日,　唔通個個嫌命長;
日日返工似喪屍,　十足幾年無沖涼;　大假以為好安樂,　手提電話日日響;
運動要響公司做,　逐箱"快勞"搬埋牆; 老細生日當娛樂, 週年聚餐齊歡唱;
笑臉迎人裝模樣,　當正自己做歡場; 以上所講無誇張,　全是打工眾生相;
奉勸各位打工仔,　積極求存為至上; 年尾流流高危日,　偷懶都係咪咁揚;

作者: 牙瑜 時間: 2007-4-17 19:13

XD~ 幾好笑ar

歡迎光臨 SPY NET (https://spynet.fun/)