SPY NET - Powered by Discuz! Board

標題: 講廣東話唔正既女導遊 [打印本頁]

作者: ＊ｈｉｎ＊ 時間: 2005-7-6 01:25 標題: 講廣東話唔正既女導遊

講廣東話唔正既女導遊

咁話說當時我地個導遊（Sam）參加北京旅行團啦～
有個北京靚女做導遊，阿Sam心諗今次無死啦，靚女導遊仲講中文，阿Sam覺得好親切

靚女導遊開始自我介紹：「咁多位道友你地好，我叫狐狸精」（其實佢想講，咁多位團友你地好，我叫胡麗貞...）
d女團友一聽到就牛咁眼望住自己老公/男友...

第二日，導遊話：「好喇咁多位道友，今日我要帶你地去試下北京馳名既路邊狗屎，跟住帶你地上天堂」
（其實佢想講，好喇咁多位團友，今日我要帶你地去試下北京馳名既爐邊餃子，跟住帶你地上天壇...+_+）
團中有個阿婆一聽到直情激動到連鞋都飛出來.
阿婆好激動話：「我而家俾錢黎旅行呀!食咩狗屎?上咩天堂呀?」
食店入面:北京導遊同頭先個阿婆笑笑口講:阿婆，你痴完未呀?
（其實佢想講，你吃完未呀?）
阿婆心諗（...你又發咩顛呀?）好唔耐煩答:「未呀~」
導遊:「你快d死啦~你死完我地上天堂啦!你仲唔痴快D~」（其實佢想講，你快d食啦~你食完我地上天壇啦!你仲唔吃快D~）
之後個阿婆無再理過個導遊

第三日，導遊話：「各位道友，今日我要帶你地去買
d有特色既手信，望下你地右手邊d死X婆」
（其實佢想講，各位團友，今日我要帶你地去買
d有特色既手信，望下你地右手邊d水蜜桃）
部份飲緊水既團友聽到佢咁講野，即刻噴水滿頭問號...「...咩死X婆話」
跟住佢地就一致決定投訴，話個導遊既服務態度好有問題

作者: 魚 時間: 2005-7-6 17:05

哈哈．．．
勁搞笑．．．
我邊睇邊笑卅卅卅卅＊

作者: 小邱子 時間: 2005-7-6 17:22

睇過啦,唔多好笑

歡迎光臨 SPY NET (https://spynet.fun/)