SPY NET - Powered by Discuz! Board

標題: 旅行團笑話一則 [打印本頁]

作者: ＊°雲尼斯杜萊 時間: 2005-7-16 20:47 標題: 旅行團笑話一則

呢個笑話係好耐之前返大陸有個導遊講我聽既，咁話說當時我地個導遊（Sam）參加北京旅行團啦～
有個北京靚女做導遊，阿Sam心諗今次無死啦，靚女導遊仲講中文，阿Sam覺得好親切靚女導遊開始自我介紹：「咁多位道友你地好，我叫狐狸精」
（其實佢想講，咁多位團友你地好，我叫胡麗貞...-_-）
Ｄ女團友一聽到就牛咁眼望住自己老公/男友...
第二日
導遊話：「好喇咁多位道友，今日我要帶你地去試下北京馳名既路邊狗屎，跟住帶你地上天堂」
（其實佢想講，好喇咁多位團友，今日我要帶你地去試下北京馳名既爐邊餃子，跟住帶你地上天壇...+_+）
團中有個阿婆一聽到直情激動到連鞋都飛出來，阿婆好激動話：「我而家俾錢黎旅行呀！食咩狗屎？上咩天堂呀？」
食店入面，北京導遊同頭先個阿婆笑笑口講:「阿婆，你痴完未呀？（其實佢想講，你吃完未呀？）」
阿婆心諗（...你又發咩顛呀？）好唔耐煩答:「未呀～」
導遊:「你快Ｄ死啦～你死完我地上天堂啦！你仲唔痴快Ｄ～」
（其實佢想講，你快Ｄ食啦～你食完我地上天壇啦！你仲唔吃快Ｄ～）之後個阿婆無再理過個導遊...
第三日
導遊話：「各位道友，今日我要帶你地去買Ｄ有特色既手信，望下你地右手邊Ｄ死八婆」
（其實佢想講，各位團友，今日我要帶你地去買Ｄ有特色既手信，望下你地右手邊Ｄ水蜜桃）
部份飲緊水既團友聽到佢咁講野，即刻噴水滿頭問號...「...咩死八婆話？？」
跟住佢地就一致決定投訴，話個導遊既服務態度好有問題...pic15pic15pic16

作者: 魚 時間: 2005-7-16 20:52

ｐｏｓｔ過喇

作者: 超人謙謙 時間: 2005-7-16 20:54

係囉我都睇過!!!!

歡迎光臨 SPY NET (https://spynet.fun/)